griazi god
soda, nochdem mi grod da gruppnzwaung erreicht hot… seas leidl, des is da gruppnzwaung mundoart blo, koida kaffee, do muas i jetzt schreibn, wei i zwunga wordn bin und a wauns nervt, vielleicht is eh guad, waun ma sowos mocht.
jetz is wos do. guade nocht ihr menschn!
just4ikarus sagte,
April 8, 2008 um 7:32
sogst du wirkli in da mundart stott blog blo? wia cool, des hätt i ma jiatzt ned denkt.
lahja sagte,
April 8, 2008 um 10:38
siagst das… die sähära hot hoid imma übarroschungen für di.
Jü sagte,
April 11, 2008 um 12:23
heee… supa… oba red nie wieda drüba, dass i von ana großn Ami-Fast-Food-Kettn zum manipuliern bin… du Gruppnzwaung-Mensch
lahja sagte,
April 12, 2008 um 7:21
hach, i mechad do nur dagegnhoidn, dass i mi wenigstens niveauvolln gruppnzwaung hingib!
Jü sagte,
April 12, 2008 um 2:01
niveauvoi? i loss des jetzt amoi so steh… aungesichts dessn, dass die jeweis aktuellstn Beiträge si grod mehr oda minda ums Weda drahn…
lahja sagte,
April 12, 2008 um 11:51
pfft, a des weda is wichtig, sunst kinnad ma jo goar ned so lebn wie ma des grod dan. ^^
Jü sagte,
April 13, 2008 um 12:43
Hob i jo ned gsogt, dass ned wichtig war… woar nur so a Beobochtung…
lahja sagte,
April 14, 2008 um 9:53
ah jo… i cshreib ned übas weda… obwoi… des warad amoi voi de klasse idee… des weda is sooo sche grod… vll a bissl frisch für mi, oba grundsätzlich echt voi schick.
Jü sagte,
April 14, 2008 um 12:21
i hob jo gsogt, mehr oda MINDA und du host zumindest an Hoibsotz übas Weda:
„…vor oim wauns wetter so sche is…“
frisch kummts mir goar nimma so vor… oida soite s’Woidviertl amoi weida vorn sei ois s’obaöstarreichische Voroipnlaund? i werds am Donnastog außafindn…
lahja sagte,
April 14, 2008 um 12:57
hmm… dann vü spaß… i bin jetzt bis morgn aufd nocht im voigasstress und dann mittwoch vormittog uni, dann werd i hamrenna, weida mochn, so weit i hoid kim und dann… huch… werd i schaun, dass i wieda aufd uni renn und dann muas i ham, ois nu ordentlich zaumrama, weil i kriag besuch und dann… an gemütlichn obnd mit mein mau, donnastog zoag i erm sbg und dann foahrn ma ham, lustigerweise muas i dann des nu fertigmochn, so weits hoid geht und später gibt’s dann nu nochhüfe für mei klane, liabe schwesta, die leni… und daaaannn… bin i moi tot am donnastog. weiters derf i mi glücklich schätzn und am freitog vormittog weidamochn/ in da schui sitzn und weiters hob i nu des klasse privileg, dass ma s’bg gmundn vorstöhn und dann, soit i nu an trinkn mit de kolleginnen, dann geht’s weiter, mit da leni mathe lerna, je nochdem ob da dom am obend wos mocht, loss i mi zu erm fiahrn und foahr dann zum schatz oda i foahr glei zum schatz. am bestn dazwischn nu mit da leni mathe lerna.
weiter gehts am sa… frühstücken foahrn, mit da leni lerna, essn, mit da leni lerna, söba lerna und tippen, zur tina oda zum dom und dann vamutlich wieda beim schatz pennen oda bei mir… und am so mit da leni lerna… und huch… i stirb… oba i werd di zu deim geburtstog schau nu moi auruafn. sei ma bitte ned bes, wauns nur a zwa minutn gespräch werdn sollte, zw. tür und angl. ^^
Jü sagte,
April 14, 2008 um 1:58
solaungst ned nebnbei mit da Leni Mathe lernst und ma in irgndana hochkompliziertn mathematischn Forml zu dem sötsaumen Privileg, zwoa Joahrzehnte am Buckl z’hobn, gratulierst… bin i voiauf zfriedn. oba deine Stresshormonwerte mecht i die nächstn Tog ned hobn… mei liaba Schwan!
lahja sagte,
April 14, 2008 um 2:12
muahahhaaa…. es gibt a gaunz oafoche soch, de den stresshormonpegl wieda obahaut… es heart aufn naum „schmausln“.
wissenschoftlich erwiesn woardn… im jänna vor am joahr. ^^
Jü sagte,
April 15, 2008 um 9:35
oiso wonn du eh schau soiche wissenschoftlichen Durchbrüche host… wos plogst di daun nu mit irgendwöche Praktikumsprotokolle umma?
lahja sagte,
April 16, 2008 um 8:06
nau jo… des praktikumsprotokoll gibt unsa notn au! des is de gaudi!